(( يتيم الحب ))

رواية(يتيم الحب)
للكاتبه(مشـــــــــــــــاعل"نجمة الخليج")
ملاحظة: يمنعا نشر الروايه بدوووون اسم الكاتبه
تحياتي: بنت عمان

..........................................
في رمضان سنة2013 كنت اطلع بعد صلاة التراويح امشي مع بنات الحاره بقرية(السيب)
كنت جديده على الحارة ولا اعرف فيها ناس وايد بس هالبنات اللي ساكنات بالقرب من بيتنا
انا وامشي لفت نظري شاب في اواخر العشرينات من عمره صاحب شعر طويل وعترة ودشداشة بريميه ولحيه خنجرية كان حلو كثير بس كنت اشوفه يجلس على الرصيف امام بيت صغير وقديم وعلامات الحزن عليه كان يبكي وهو ماسك ورده بيضة في ايده وقتها حسيت ان له قصه حزينة جدا خلته يبكي ويجلس وحده قدام هالبيت سالت صديقتي وش قصته هالرجال كل يوم امر عليه احصله يبكي؟؟؟ ردت علي ان له قصة حزينة مع بنت يحبها قبل 8 سنوات ,تشوقت اعرف القصة جلست معاها انا والبنات نسمع قصته
(القصة)
سمعن :هذا الرجال اسمه فيصل يشتغل دكتور في المستشفى السلطاني هو لما كان يدرس في الجامعة كان يجي هنا على الحارة يوصل ربيعه عبدالله بيتهم بس لما دخل الحارة طاحت عيونه على بنت حلوه مثل القمر اسمها (نوووور) وقتها كانت نازله من باص المدرسة حس فيصل باحساس غريب يحتويه ويسيطر على قلبه هذا كان احساس الحب
ظل فيصل شهر كامل يشوف البنت من بعيد وهي نازلة من باص المدرسة بدا فيصل يتغير بدا فكره ينشغل واهله واصحابه حسوا بهذا الشي فيصل صار يحب يجلس معظم وقته مع نفسه يفكر في البنت
وبعد شهر تقريبا كان فيصل يوقف جنب سيارته وينتظر البنت ترجع من المدرسة البنت لما كانت تشوفه تبتسم وكانها تبادله نفس الشعور
ظل فتره وهو على هالحاله بس لما صارت الاجازه لطلاب المدارس بدا فيصل يرسل لها رسائل على ورق وكانت هذي هي بداية حبهم ظل اكثر من 3 سنوات يكتب لها مكاتيب
وفي رمضان سنة2009 كان يروح يشوفها بعد التراويح كان بس يوقف على الباب يكلمها وهي حاطه الخممار على وجهها ابوها كان مايدري عنها لانه يشرب خمر بالمختصر يسكر ولا يدري عن هوى داره وامها متوفيه من زمان بس فيصل كان يعوضها عن حنان الام واهتمام الاب بالنسبه لها كان كل شي في حياتها فيصل كان يحبها بدرجه خ ي ا ل ي ة كان كل مايجي يشوفها يعطيها وردة بيضه لانها تحب اللون الابيض
عرف الكل عن قصة حبهم في الحارة وكل البنات كانوا يتمنوا انهم يكونوا مكانها ويحصلوا احد يحبهم بالدرجه نفس فيصل وخصوصي انه رجال من عايلة راقيه وغنيه وكان عطره يشمه البعيد قبل القريب
ظل فيصل يحب نور لسنوات بعدهااااااا لما كان جاي يشوفها لقى البيت مطفي انواره وكانه مافيه احد خاف فيصل وانتظر ليومين وما قدر يتحمل سال الناس عسى يلقى جواب
بس انصدم صدمه كبيره لما قالوا له(نور زوجها ابوها بالغصب متى وكيف ومن ما ندري)
تجنن فيصل لما سمع بالخبر حااول يدور على ابوها وعجز ماحصله ابدا
والحين هو كل يوم يجي يجلس قدام بيتها وهو ماسك وردة بيضة في ايده على امل انها ترجع او ابوها
هذي هي نهاااااية حب فيصل
.......................................
تقطع قلبي على هالمسكين حسيته يتيم الحب بدونها
كسر خاطري لما شفت دمعته على خده اللي تروي حكاية طويل
صعب نفهمها نحن اللي ماجربنا الحب وذقنا مرارت احزانه واوجاعه
تمنيت لو اقدر اكتب نهاية سعيدة لقصته
بس مااا اقدر اكتب لكل شي نهاية سعيدة
مادام اكتب من واقع الحياه
مع تحياتي نجمة الخليج,,مشــــــاعل

السلااااااااااااااام عليكم
كيفك؟
كومون تالي فو؟؟؟؟؟؟؟؟؟؟؟؟
من أروع ماقرأت
شكراااااااا على حسن الإنتقاء
بوركت
مع السلامة
في أمل أن ألقاك مرة أخرى مع قصة أروع