الرئيسية
بوابة الشبكة
أحدث الصور
التسجيل
دخول
عدد المشاركات
نقاط التميز
الأعجابات
الدوله *
الجنس
تاريخ التسجيل
من طرف (؟): اها وبعد؟
ساره : لا جد جد ابي اسئلك!! الكي بورد مالتك اعادة تعبئه؟ تحط فيها رصيد عشان تسولف
(؟): يعني قاطه قطه مع ويهج؟!
ساره : جب زين
(؟): جب يجبج صج جليلة حيا !! كبرج انا !! تحجي عدل
ساره: وانتا بالله شدراك جم عمري؟! يمكن اكون انا اكبر منك!
(؟): ما اتوقع!
ساره : ليش ان شالله جم عمرك!
(؟): وانتي شكو بعمري؟
ساره: وتقول عني انا جليلة حيا؟ عيل انتا شنو؟
(؟): آنا آسف .. بس انتي منو عشان اقولج جم عمري!
ساره : لو سمحت اخوي لو انا مضايقتك قولي وماله داعي نحرج احد بالكلام .. شرايك؟
.... مرت 5 دقايق ومارد عليها! ..
ساره : عموما انا اخليك .. يالله باي
(؟): انتي شفيج!!
ساره: شفيني؟! مافيني شي بس ما احب اثقل على احد!
(؟): لا من صجي شفيج انا ماقلت شي مامداني ارد! رحت شويه نادوني اهلي رحت اشوف شفيهم ورديت
ساره : اها اوكي
(؟): وبعدين لا انتي مو مضايقتني بالعكس احنا داشين نسولف ونكسر الروتين .. عدل وله انا غلطان
ساره : لا غلط
(؟): عيل الاخت ليش داشه بالله؟
ساره : داشه بعرف شسالفتك :P
(؟): أي سالفه؟
ساره : واااااااااي يا ثقل دمك قاعده استخف دمي !!
(؟): اها!! لا ماله داعي تستخفين دمج .. انتي خلقه مستخفه!
ساره : ويني ان شالله وبعدين احنا شقلنا!
(؟): خلاص خلاص .. بس شفتج تستخفين دمج قلت استخف وياج
ساره : خلاص سامحتك ..
(؟): انزين ما قلتيلي شسمج؟
ساره: اسمي ساره
(؟): ماشالله كل البنات اسمهم ساره
ساره : ينعم بحالك !
(؟): ترى اتغشمر وياج
ساره : ترى صج هذا اسمي وما احب اجذب.. واذا حسيت ان ما ودي اقول الصج اسكت ما اقول شحقا اجذب واخذ ذنوب عشان واحد ما اعرفه .. ترى كلش ماتسوى ذنوب السالفه!
(؟): اها والله خوش منطق عجبني!
(؟): انزين ويا ساره ياللي ماتحبين تجذبين جم عمرج؟
ساره : عمري؟ اممممم مادري انتا قول تهقى جم عمري؟
(؟): مادري بس شكلج 14 !
ساره : 14 بعينك!! لالا قول 12 بعد ؟؟ لا شحقا 12 قول 10 سنين!!
(؟): هههه شفيج ترى ماقلت شي .. بس مبين من اسلوبج انج توج صغيره مو كبيره!
ساره : على فكره ترى الكل يقولي ان تفكيري سابق عمري "ثقه سويره مصدقه نفسها"
(؟): ماشالله ماشالله .. ومنو هالمدمغ اللي قالج
ساره: Anyway انا عمري 16
(؟): صبه حقنا لبن "يقصد ان نفس الشي ماكو وايد فرق"
ساره: صبه حقنا لبن ابيعينك شفيك انتا ماتعرف اتحجى! تدري شكثر الفرق بين 14 و 16!! تدري جم كورس تدري جم ماده خلصت فيها !!
(؟): خلاص خلاص يبا آسف حقج علي
ساره : لو ايمع 100 فلس على كل كلمة اسف والله اصير مليونيره من وراك
(؟): قمنا نملق؟
ساره : انزين بلا مصاخه انتا قولي شسمك وجم عمرك؟
(؟): اسمي احمد وعمري 26
ساره: اولله ماشالله 26 ! وايد والله
أحمد: الناس يقولون العمر كله شي مني مناك!
ساره: ههه العمر كله بس ماشالله وايد عود
أحمد: شسوي بعد اهلي مستعيلين J
ساره: لا صراحه مالهم حق .. بس شكلك متزوج وعندك كوكش يهال ولايعه جبدك من اللويه وداش تكسر الروتين
أحمد: لا انا مو متزوج وماعندي يهال بس ان شالله اذا الله كتب ليش لأ
ساره : اها .. عسى الله يوفقك
أحمد: اجمعين
ساره : انزين احمد انا لازم اروح انام باجر وراي
أحمد: نوم العوافي .. تصبحين على خير
ساره : وانتا من اهله .. اشوفك باجر
أحمد: لا ساره انا باجر ماراح اشبك بسافر اسبوع وبرجع
ساره : صج!! بالسلامه ان شالله الله يوفقك تروح وترد بالسلامه
أحمد : الله يسلمج ماقصرتي
ساره: يالله باي
أحمد : باي
العمر
